ذكريات

بعيدا عن كل الي قاعد يصير الحين في لبنان .. اسرد لكم ذكرياتي

انا في الروضة ويا صحابي ساعة لعوبي ساعة كتابي

في هل المرحلة الي من المفروض انها تستمر سنتين لكن و بي كل فخر دخلت ابواب المجد من اوسعها دخلت الروضة و على طول رحت سنة ثانية
( اخر العنقود و تو الناس اني اروح الروضة فلما كبرت دخلت الروضة و كنت اكبر من اولى و اصغر من ثانية فالحل الوسط اني ادخل ثانية و دخلت اولى باتدائي اصغر منهم بسنة لووول )

ما اذكر شي غير الصور الي للحين محتفظة فيهم و يا محاسن الصدف استخدمهم الحين في شغلي !
اذكر وحده حاطة دوبها و دوبي كل يوم اتطقني ="(
اذكر سكرت باب الحمام و انتو بكرامة على ابلتنا ( اياام ما كان حمام الابلة داخل الصف)
اذكر التوستة الباردة و البيضة المسلوقة الي هم باردة و جبن السلايس و حليب كاكاو

و كبرناااا يا بيٌ
و دخلت الابتدائي ... امم بما اني و اعترف اني دعلة .. ها عفوااااا دلوعة بحكم اني اخر العنقود فعادي يعني ابجي على اي شي و ابوي الله يرحمه ما قصر معاي في ميزان حسناته سوى كل شي عشان تكون اقامتي بهل المدرسة مريحة
اتذكر طابور المقصف ( للحين في مقصف؟) و تخلص الفرصة و و انا ما شريب بفك الذرة المنفوخ ولا فطيرة الجبن ولا السانكيست
كرهت شي اسمه رياضيات
دندش سمعي جدول الضرب
3*5 = 15؟؟احــم احمم امم

شسوي اكره شي اسمه رياضيات

و يه الغزو و كان عمري 8 سنين
و لما زالت الغمة كنت متشوقة للمدرسة و دقيت على شلتنا
بنات شرايكم باجر بروح مع ابوي عشان انشوف المدرسة و راح نصبغها تيون نصبغ مدرستنا و نعدل مدرستنا مثل مدرسة اخوي اهو و ربعه قاعدين ينظفون مدرستهم
كلمتني ام وحده من البنات و ماقصرت عطتني المقسوم

رحنا المتوسطة و قررنا كلنا نسجل اسمنا بثانوية وحدة
و رحت مصر كالعادة للاجازة
و رديت ليلة التسجيل الخاص بالمستجدات
دخلت و عيوني تطالع في كل مكان ( هو ... وينهم ؟!)
رحت للوحة اقرا اسمي و رقمي
95/64
اقرا اساميهم بس وينهم ؟؟!
اسمع اسمي التفت ولا لقيت وحدة منهم
فلانة اشوه اني شفتج وين البنات
كككك وينج ما دريتي راحو ثانوية ....
(...)
؟؟!!!!
ليش!ين ما ادري
و علاقتي فيهم انقطعت
مرحلة الثانوية كانت مأساوية بكل معنى الكلمة ما حبيت دفعتي ما حبيت الجو ما حبيت فيها و لا شي
كنت عايشة سني لكن اكتشفت هل الشي غير مقبول لازم ازيد على عمري 10 سنين و لا انتي شلون عايشة
و لازاام و لا بد وحدة منهم عايشة قصة وهمية عشان تصير cooool
فطنشتهم رغم تعليقاتهم السخيفة رغم انهم يردون لي دايما ( شفتو السخافة)
في هل امرحلة قويت لغتي الانجليزية و في هل المرحلة دخلت لوحة لشرف و في هل المرحلة كنت متميزة في تخصصي و في هل المرحلة فقدت ابوي قبل تخرجي بكورس
شلون تخرجت ما ادري كنت ارفض اي درجة احصلها لاقتناعي انهم يعطوني هل الدرجة من باب شعورهم بالشفقة .. بس هم تخرجت بمعدل مرتفع
دخلت الجامعة ياللهول

عالم ثاني نفس مجتمع الثانوية بس على اكبر و بعد مختلط @@
الشي الوحيد الجيد انه اخوي كان معاي بنفس الكلية فاروح معاه على الاقل اطئمنان نفسي
اول تجربة مع الموبايل يننت اخوي كل اشوي داقه عليه زين استحملني لوول
يعني اول محاضرة الساعة 8 لين 9 وربع
وفاضية لين 12 ما اقدر ارد البيت للحين ما اسوق 17 سنة و اخوي عنده محاضرات
و الي كانو معاي بالثانوية ما نلتقي عشان توقيت المحاضرات
فاطلع من المحاضرة سيـــــــــــــده على المكتبة اقعد اسوي الهوم ورك و ادرس ولا اقعد انطر وحدة من البنات
على الكورس الثاني قررت اني احول لكلية ثانية ( مجبر اخاك لا بطل) كله من الرياضيات و الي اخترع الرياضيات
رحت كلية العلوم الاجتماعيةاول الايام امشي بالكلية اشوي و ابجي كاااااااااااارهة كل شي و ما اعرف احد
و المكان بكبره يب ضيقة الخلق ماتغير شي من الروتين غير انه صار عندي سيارة فخلص محاضرتي اروح يا الكافتيرا اوالمكتبة انطر المحاضرة الثانية ولا سيجة على المواقف ارد البيت و ارد اطلع مرة ثانية
شديت على عمري بالدراسة حطيت هدف جدامي اني اتخرج باربع سنين و ما اخلي التحويل يأثر علي
فكنا اخذ 15 وحدة او 18 وحدة اقاااااااااااااااااتل في التسجيل
في المحاضرات كان لازم اشارك و اناقش مع الدكتور/ة فكان شوي صعب على في البداية بعدين لالالالا لساني صارر اشطوله لووول
احلى فترة اخر 3 سنين ليش مو اول سنة لانه كانت كآبه
صج كرهت دكاترة و لازلت اكرهم حبيت دكاترة و لازلت احبهم
تعلمت رغم كرهي لموقع الكلية اني احب كل مكان فيها
اختي حبيبتي كنت اأذيها كل ما اطلع من محاضرة ادق عليها و او مسج
روبااا صديقتي الصدوقة معاي من الثانوية ما صدقتج وقتها يوم قلتيلي ترى بندخل نفس الكلية
و اخيرا تخرجت و بالفعل بأربع سنين و معدل جيد جدا
عشانك يوبه
بعدها بسنة و نص تقريبا اشتغلت
وو توتة توتة خلصت الحدوتة

كفو و الله

أمس كان يوم تاريخي

أمس بدأ اليوم بمتابعة تلفزيونية

و ايدي على قلبي

ادعي ربي

ان الله يوفقك الصالح

كنا مخططين انا و اختي و أمي نروح الصبح نصوت

لكن الشمس كانت أقوى منا =)

و قررنا على الساعة 6 نروح

شعور كان ولا أروع و كنت متوقعة

نقعد بالمدرسة لين الاقتراع

لكن كانت سهالات

التصويت خذا تقريبا 15 دقيقة

و انا اصوت ضحكتي من الاذون اليمين لين اليس

و لما طلعت رغم الجو الحار حسيت انه الجو بارد

حسيت ما ادري شقول لكم

دزيت مسج لاخوي

" أنا سعيدة انا صوت"

رد علي

" مبروووك أنتي الحين مواطنة كاملة"

و لما طلعنا رحنا في جولة على الدوائر الي يمنا و بدينها بالاهم

الدائرة 11 و نسأل اهناك طمنونا على السعدون

و مستانسين على همة البنات ( الله يعطيكم العافية ما قصرتوا

و رحنا كيفان الدائرة السابعة

و الشامية

و ردينا لقواعدنا الدائرة السادسة

لما بدا الفرز قعدت بالصالة و بحضني اللاب توب و متوترة

و ادعي يااا ربي العبدالجادر

و على الساعة 12 بشروني اخوانا العنجري الأول العبدالجادر الثاني

و انه كيفان حسمت للصرعاوي و الطبطبائي

طرنا من الفرحة

لبسنا عبينا بسرعة

و طيران على مقر العبدالجادر

و ادق على اخوي انت وينك

احنا عندكم

بشرني جم الفرق بينه و بين دعيج

اشلون للحين مو عارفين

خلاص ان شاء الله بنمر العنجري و الضاحية و انرد

و احنا طالعين من الفيحا مقر الخنة و الشمري هدوء قلنا لا خلاص حسمت

و طارين من الفرحه مو مصدقين

لما ردينا تقريبا وحدة الا ربع

فتحت النت مرة ثانية اشوف النتيجة لان التلفزيون للحين ما اعلنها

الصدمة الاولى server to busy

الصدمة الثانية

ترى شاكين بالنتايج

@@

الصدمة الثالثة

جراغي من مقر دعيج قبل لا يعلنون النتيجة

ردة الفعل

قمت من الصالة

اختي وين

بروح غرفتي

رحت و طلعت عدة المنيكير

و طلعت لي مجلة من المجلات الي صار لي اسبوع شاريتهم و للحين ما قريتهم

و فاتحة تلفزيون على القناة الاولى و اغني !!

شفت الرقم حرااااااااااااااااااااااام و الله حراااااااااااااااااااااااااااام

حطيت راسي و نمت

قمت الساعة 9

ابطل التلفزيون اشوف نتايج باجي الدوائر

الدائرة 10 الاول صالح الفضالة

و انا نص مغمضة الحمد الله الراشد الثاني

منهو اي العمر هااااااااااااااااااااااااااا

طلعت و رحت الصالة

لقيت اختي الي الوحيدة الي قاعدة مبجر

صبحت عليها

شلونج اليوم و من هل الحجي

شفتي الفرق " اختي"

لأ " انا"

ترى الفيحا الي مطلعة الشمري

انا" سكوت"

صج باسل الراشد خسر" انا"

اختي" شنو متوقعة دندش يعني منتي عارفة الجابرية اهي الي مطلعة العمر"

بس.. حرام "انا"

هذا جزء بسيط من قرقتي اليوم مع اختي

لكن ارجع و اقول

الف الحمد الله نتايج ممتازة

و ردة فعل قوية من الشعب

هذا درس لمن يعتبر

و فعلا كانت هزة قوية للحكومة

و هم انا فرحانة رغم انه ودي بفوز العبدالجادر عشان فرحتي تكمل بفوز العنجري

لكني فرحانة لاني صوت بضميري و حطيت مصلحة الكويت فوق كل شي

و البركة فيكم

اخ و اخوه تربوا في ظل والد حنون
كبرالاخ و ياب ولد سماه باسل
كبر باسل و له بدل الابو ابوين


و في يوم اظلمت الديرة و انقمت قلب الولد
راح للبدر و قاله يوبه بفدي حبيبتي بدمي

مشى باسل و نور البدر معاه
وين مايروح معاه

و فجاة راح باسل
بغمضة عين مسكته غيمه سودة

نور البدر ظل يتعبه
يدور عليه ويناديه
وينك يا ولد اخوي وينك يا ولدي

الغيمة السودا انقشعت
و نور الحرية شع و عم المكان

بس باسل وينه

و نور البدر مافقد الأمل
جمع المخلصين وياه
و قرر كل واحد منهم
عهد عليه و وعد
نرد للديرة أحبابها

نور البدر دار الكون و في قلبه الأمل
و في قلبه باسل
ولد أخوه ,, ولده

و رغم السنين يضعف الأمل لكن البدر أمله ما يهتز

و في يوم

البدر .. بدر راح نوره
مات ّبدري

و باسل وينه !

كان عندي الأمل

لكن الحين

من غير ما يعلنون ملحق صغير
في جزء منسي
في جريدة ما

عسى ربي يرحمكم و يجمعكم اجمعين في جنات النعيم


باسل معاه الحين بدل الأبو .. أبين

اهلا وسهلا بالعزيز الغالي

السلام عليكم
اشلونكم شخباركم شمسوين من زمان عنكم

من عنوان البلوج اهلي و ارحب بفصل الصيف العزيز الغالي

ايباااا ياا سلالالالام اشحالت جونا العزيز الي دايما يتصادف معاه اهم المناسبات سواء العزيزة من افراح او احداث سياسية ساخنة مثل الي احنا قاعدين نعيشها حاليا...

الحمد الله حالنا افضل من غيرنا ..

بس شي حلو انه الجو يذكرك دائما و ابدا انه موجود يعني طالعة من الدوام رادة البيت و تعطيك الشمس جذي لاهوب على الماشي
و مصارعة مع الباب لانه ابي افتح الباب من غير ما المسه تجنبا لانه ماشاء الله تلاقي الباب يشوي الايد شواي
و من ادخل السيارة ودي انااااقز و اطمر من الحرارة حشى قاعده بجدر مو سيارة ( لاتسألوني ليش صافطة بالشمس لانه ادارتنا العزيزة ما تبي تحط مظلات لانه الصندوق المالي ما يسمح بمثل هذي الفواتير و اذا تبون كل وحده تحط 30 ولا 40 دينار للمظلات و طبعا بقية الزميلات العزيزات لا وي حريمتهم غصبا عليهم يحطون لنا و انا بقلبي اقول لهم انطرر يااا (..) لين ايك الربيع)
ماعلينا..
البس الدسوس( قفازات) و انا اسوق و هم ماكو فايدة =(
اشغل التكيف على حدده و وييين الحره ما يبرد الا لين اوصل البيت

في هذي الحالة مالكم الا تشربووون الماي بكثرة لانه في فصل الصيف نفقد السوائل بكثرة
و سلطة الفواكه الباردة
ولا رقييه باااردة تبرد على قلوبكم
ولا تنسون تسون لوحة فنيه مثل الصورة الي حاطتها بأول البلوج
و كل صيف و انتو طيبين

إنــــــــهــــا مهــــزلة 2

إنـــــــهـــــــــــــــــــــــــــــــــــــــــــا مهــــــزلة
إنـــــــــــــــــــــــــها مســــخرة
إنـــــهـــا لعب يهااال

إنهاا...حاااجة تيلكم خالص

إنهاااا بلد بتاعت شهادااااات بصحييييح

آآآآه ياااا بلد

انها مهزلة

هل الي قاعد يصير في الجرايد شي طبيعي.. و اخص بالتحديد اهني جريدة الوطن
فؤاد الهاشم في مقدمة الكتاب الي يسئون بشكل كبير لرمز كبير في التاريخ السياسي لدولة الكويت
و السؤال الي يطرح نفسه .. ما يستحى ما يحس بالصغر لما يكتب مثل هل المقالات
ما يحس بانه قيمته ككاتب تهتز لما يطرق لمواضيع مهمة مثل الدوائر الخمس بهذه السخرية و الهجوم من تحت الحزام
وين أمانتك ككاتب صحفي مشهور تتطلع له الكثير من الناس و تتابع ما يكتب بصورة يومية؟
هم هل من الانصاف انك تتهجم على هذي الشخصية البازرة الي كل مواطن كويتي يفتخر فيه بهل الاسلوب الساخر

هل أصبح هذا هو الحال الان... جريدة بأكملها تشن الهجوم عليه لتصل فيهم الجرأة انهم يستخدمون الكاركتير بأسلوب وقح وقليل أدب و يصفهم بالأرجوزات..
يعني اتصور انها واضحة انها مدفوعة التكاليف...

و الآن و مالذي سيحدث بعد .. هل ستصبح الجرائد أبواق لمن يدفع أكثر و نخسر الرأي الحر

شعور مؤلم

اعذروني اليوم فهي مساحة لما يجول في خاطري

أعترف لكَ..مازال قلبي ينبض لك
أعترف لك .. مازالت صورتك أمامي
أعترف لك.. لازلت أرتعش لمجرد سماعي لصوتك
أعترف لك .. أنني أغار...
أغار من الفتيات الصغار حين يركض بدلع و يرتمين بحنان في أحضان آبائهم

أغار لأنني أفتقد هذا الحضن و الحنان ..

أغار لمجرد تذكري لمشهد في فلم حين تكون البطلة حزينة و يحتويها والدها بنظرات الحنان و يراقصها كما كان يفعل و هي صغيرة ليشعرها بالأمن و الحب..

أغار لأنني لا يمكنني أن أغار..

أليس هذا بشعور مؤلم .. أن ينتهي بي شعور الغيرة الي الدموع الصامتة

أفتقدك (يبه) بشكل مؤلم يعتصرني من الداخل
لم تمحو السنين التي مضت هذا الألم.. و لن تفلح السنين التي تليها في تقليصه..

....

القبس اليوم

كاركتير القبس اليوم...

ما يحتاج لتعليق

http://http://www.alqabas.com.kw/Final/NewspaperWebsite/NewspaperPublic/ComicsPictures/11000511052006.jpg

TiMe

ميخالف بنط اشوي عن الجزء الثاني عن رحلة العمر بفضفض وياكم اشوي ...

الحين ابي اعرف في احد مثلي نفسي يحاتي الوقت .. اشلون خل اعرفكم عن برنامجي اليومي المملل
..
المنبه لازمنا ولا بد يكون قبل موعد استيقاظي بفترة لا تقل عن ربع ساعة يعني 5.45 ولازم ساعتين مو ساعة وحدة الموبايل و المنبه
و الفرق بينهم 5 دقايق و في هل الوقت اخذ راحتي
لازم اكون جاهزة 6.45 بالكثير 6.50
ولازم اكون بالسيارة وماشية الساعة 7 بالضبط لاانه اذا تاخرت راح تحوشني زحمة و ماراح اوصل المدرسة مبجر
واذا بغيت اطلع مثلا اتفقنا الساعة 5 اوكيه 4.45 اكون زاهبة او باقي شي بسيط
لازم اذا عندي موعد سواء صالون طبيب تسيورة* خياط اي حاااجة
و اتنرررفز اذا تاخرت او الي معاي اخرني و يضحكون على ( اشدعوه جنه بالمدرسة للحين تحاتين الطابور ؟!!)

دلوقيتي انا طبيعية ولا مازاااا

أريييد حلالا
والي نفسي يطمني اوكيك

* تسيورة لغير الناطقين باللهجة الكويتية ( متفائلة) يعني زيارة للاهل والاقارب

رحلة العمر - الجزء الأول

ببدي معاكم الرحلة من يوم الأحد لما تاكدت الرحلة و كل شي ( رحلتنا كانت عن طريق الجمعية التعاونية ) المهم بلغت الوكيلة و قلت لها عشان الغياب و العرضي الي من حقي استخدمته في ظرف عائلي اول الكورس الثاني .. المهم قالت لي ما لج غير المرضي و قلت لها انها ما تبلغ احد لانه بالصراحة المدرسات الي معاي بعضهمن ماشااااء الله عيونهم تفلق الحجر و لهذا الموضوع سنتطرق اليه في نشرة اخبارية لاحقة ...

المهم يوم الاثنين بلغت زميلتي الي معاي بالفصل اني نويت اروح العمرة و فرحت لي و اتفقت معاها على انه ما تبلغ احد لين ارد و اهي متفقة معاي على هل الشي ( شنو بتسوين دعاية روحي خلصي عمرج على خير ان شاء الله و بعدين يصير خير) و بنفس الوقت بما انه كان الاسبوع اخر اسبوع للخبرة و السبت بداية خبرة جديدة فزهبت اغراض الخبرة الجديدة و نزلتهم من السيارة قبل لا ينتهى الدوام
* ادري عورت روسكم بمصطلحات غريبة لا تحاتون في ترجمة في الاخير

المهم يوم الثلاثاء الصبح مريت المدرسة مرة ثانية و خذيت الطبية و رحت المستوصف و هناك بعد نطرة طويلة شرحت للطبيبة اني بروح العمرة و ما عندي غياب عرضي صارت شيخة دين
يعني ايه نكزب عشان تروحي العمرة ؟!!
انا : طبعا لأ لو بكذب عليك كنت قلت لج اني و الله دايخة و لا الفت عليج اي شي لكني صادقة معاج
قومي كتبيلي social reason !!!!!!!!
قلت لها دكتورة شنو يعني
قالت و اللهي مقدرش اكزب
قلت لها عيل ليتي كزبت عليكي مشكورة و ما قصرتي
كلمت الوكيلة قالت لي مالج شغل فيها لا تحاتين
تطمنت و شكرتها و رديت البيت و استعديت للسفر
و احنا بالمطار لفت نظري اشكال او بمعنى اصح تصرفات الناس
بما انا احنا رايحين العمرة مع جمعيتنا فمن الطبيعي انه نشوف ناس من منطقتنا فكان الخز مشترك نسائي و رجالي
الريايل يخزون من تحت لي تحت
اما الحريم فكااان شي مو طبيعي حتى و احنا بمكة و نظرات من فوق لي تحت لدرجة سالت اختي انعرفها احنا تقول لي لا كيفها ويهي ودر على قولتها لووول
المهم و احنا بالطيارة وقت الغدا ما وعينا الا واحد من الي معانا بالطيارة يه يسولف مع الي العايلة الي قاعده ورانا و سد الطريق على المضيف و شوي ويطقه يا عمي وخر عن طريجي و ليييين ابتلشنا فيه و المضيف منصدم منه يقول له انت الي قاعد تعطلني عن شغلي
انا و اختي و اهلي انتطالع اشفيه هذا هذا و اهو محرم
وصلنا مطار جدة بسلام و ركبنا الباص العجيب و احنا اهناك استقبلونا الجميعة وفوجأتان
آن آن آن آآآه
هذا ما سنعرفه في الحلقة القادمة

رحلة العمر

مساء الخير

غبت فترة عنكم كنت مسافرة الله كتب لي و رحت العمرة
كانت رحلة العمر بالفعل ..
ما خلت الرحلة من المواقف و ان شاء الله راح اذكرها لكم
لكن اعذروني الحين لاني مريضة
خل اصحصح اشوي و اقول لكم كل حاجة من طقطق لسلامو عليكووو

مساء الفل

بسوي تصويت و ابي رايكم

بما اني متوهقة الحين مرة اقول بكتب عن افكاري تحوس في عقلي الباطن .. و ساعات اهون و اقول بسولف لكم اشويه عن دوامي

فشرايكم انتوا

عندكم من اليوم لين الجمعة القادمة ان شاء الله

اسئلة

ليش دايما نتلقى بناس ممتلئين بكمية لا طبيعية من الملاق

؟!!

مو هذا موضوعي الاصلي .. اهو بالاصح مو ملاقة الا نفاق ...

لالالا اهو مو نفاق

اهو تجميل روحنا الخارجية اهو اشفيج الدنيا مصالح

so
عشان انجح لازم اضيف هل الصفات عندي ؟!
؟؟؟؟؟

طب و بعدين .. لي متى

الدنيا ربيع !!!

مساء الخير عليكم اجمعين ...

هذا اول بوست لي و فكرت شكتب شكتب شكتب ....

و فوجاءتن ( متعمدة لاحد يقول بدلية =p

تطلع سعاد حسني على روتانا سينما تغرد و تقول ( الدنيا ربيع و الجو بدييع افلي على كل المواضييع افل افل افل افل) ؟!!

استانست لاني كنت اغنيها وانا صغيرة ( قبل ستمية الف سنة ) بس في الواقع الحين لونبي انطبقها اهني بالكويت

اممم اهو المفروض الجو ربيع .. بس في الكويت ما ينطبق عندنا هل الشي الحمد الله على كل حال احسن من غيرنا ..

زين ننتقل للنقطة الثانية افلي على كل المواضيع !!!! اهو ده الي مش ممكن ابدا يكووووون على راي الست سومة

جد و الله اشلون بنقفل كل المواضيع لاني احس انه احنا الكويتين لازم ولابد يكون في موضوع يشغلنا يا نقص على العالم فيه او ينقص علينا فيه و بكل الحالتين

قادرين انه نضخم المواضيع و نعطيها اهمية زيادة عن اللزوم ...

عارفين شقصد .. لازم نكبر الامور الصغيرة لين تصير اكبر منا ابسط مثال من حياتي المهنية

قررت بعد ما اكملت سنتين في مكان عملي اني انتقل لمكان اخر ما راح يتغير علي بالنسبة للشغل بس مجرد اني اكون قريبة للبيت

فيها شي هذي ؟! اعتقد هذا حقي كموظفة .. الحاصل انه مديرتي شسوت فيني ليش و ليش تنتقلين و اشحقه شرحت لها الاسباب ( اي قبل لا انسى ترقبوا مذكراتي عن الشغل ) لكن اهي اذا الطوفة تقتنع اهي اقتنعت اخر شي وصلت له انها تحطمني معنويا انت كشخصية ماراح تقدرين تشتغلين في مكان يديد و تبدين من الاول وووو ...؟!

كل هذا لمجرد اني بنتقل !!

شفتو اشلون ان الناس ما تبي تأفل على المواضيع

و احب اقوول لوزيرنا ( سنَع وزارتك من الدينصورات ) وبس