مساء الخير عليكم اجمعين ...
هذا اول بوست لي و فكرت شكتب شكتب شكتب ....
و فوجاءتن ( متعمدة لاحد يقول بدلية =p
تطلع سعاد حسني على روتانا سينما تغرد و تقول ( الدنيا ربيع و الجو بدييع افلي على كل المواضييع افل افل افل افل) ؟!!
استانست لاني كنت اغنيها وانا صغيرة ( قبل ستمية الف سنة ) بس في الواقع الحين لونبي انطبقها اهني بالكويت
اممم اهو المفروض الجو ربيع .. بس في الكويت ما ينطبق عندنا هل الشي الحمد الله على كل حال احسن من غيرنا ..
زين ننتقل للنقطة الثانية افلي على كل المواضيع !!!! اهو ده الي مش ممكن ابدا يكووووون على راي الست سومة
جد و الله اشلون بنقفل كل المواضيع لاني احس انه احنا الكويتين لازم ولابد يكون في موضوع يشغلنا يا نقص على العالم فيه او ينقص علينا فيه و بكل الحالتين
قادرين انه نضخم المواضيع و نعطيها اهمية زيادة عن اللزوم ...
عارفين شقصد .. لازم نكبر الامور الصغيرة لين تصير اكبر منا ابسط مثال من حياتي المهنية
قررت بعد ما اكملت سنتين في مكان عملي اني انتقل لمكان اخر ما راح يتغير علي بالنسبة للشغل بس مجرد اني اكون قريبة للبيت
فيها شي هذي ؟! اعتقد هذا حقي كموظفة .. الحاصل انه مديرتي شسوت فيني ليش و ليش تنتقلين و اشحقه شرحت لها الاسباب ( اي قبل لا انسى ترقبوا مذكراتي عن الشغل ) لكن اهي اذا الطوفة تقتنع اهي اقتنعت اخر شي وصلت له انها تحطمني معنويا انت كشخصية ماراح تقدرين تشتغلين في مكان يديد و تبدين من الاول وووو ...؟!
كل هذا لمجرد اني بنتقل !!
شفتو اشلون ان الناس ما تبي تأفل على المواضيع
و احب اقوول لوزيرنا ( سنَع وزارتك من الدينصورات ) وبس
6 comments:
لوووووووووووووووووول دونا يخرب بيت ابليسج قولي امين :p
هههه اول شي مبروووك على الصفحة حلللوة زيك ياعسل
بالنسبة لتحلطمك لوووول ..هو انك تنتقلي من حقك
بس مكان اتعودتي عليه احسن من مكان تاني
ولاتنسي تسجلي يومياتك بس
عندي طلب صغري الخط شوية ولا تخليه bold
:*******
هلا و الله
الله يبارك بحياتج =)
و الله مو مني ادري اني تعودت على المكان بس و الله لما تشوفين الي اشوفه جان تقولين لي انتقلي و نص
و للخط ان شاء الله من عيوني
اهلا بك في عالم المدونات
سوالفك تلقائية وحلوه
يبدو انها بتخلي جو المدونات ربيع
سامر عليك باستمرار
بالتوفييييق
حامي الديار
شكرا لك واسعدني تواصلك
انا متابعه دائمة لمدونتك =)
ياهلا ويا مرحبا بالدندوشه
:)
عالم المدونات عالم رائع
فضفضه من غير اي حدود
ودون اي مقاطعات
فاستمتعي بوقتك واكتبي كل ما يخطر في بالك،واعتقد باني ساكون احدى زائراتك الدائمات:)
وبعدين اذا قفلنا على كل المواضيع شنو يبقى عندنا؟
اشلون نتحلطم؟
لازم نتحلطم عشان نصير كويتين ولا شرايج
:)
وانتي اشعليج منها ..
واثق الخطى يمشي ملكاً :p
Post a Comment