Wednesday, July 08, 2009

بطت جبدي

المثل يقول من طول الغيبات ياب الغنايم

للأسف ما يبت لكم غنايم

لانه بصراحة بطت جبدي

كل ما يصير شي نبلعها و نشرب وراها قلاص ماي باااارد جووود يبرد على قلوبنا

و ساكتة وس اكتة و هم ساكتة



و فجأة



هلا بيك هلا و بجيتك هلا

هاي منو طق البااب هاي اجوناالحبايب ( خوا جنبهم بلا خوا جنبهم ) يعني لما نقول المسألة بكل بساطة 1+1=2

نلاقي ناس نفسها خايسة 24 بالاربع 24 ساعة و بس ما همها الا رفعة المطرقة و شوووكرااان تقول لا 1+1 = 6



ماقوول الا الله يرحمك و يغمد روحك الجنة مع باقي شهداء الكويت
http://dandashq8.blogspot.com/2008/08/my-drafts-sms.html

و الي للحين ما فهم شنو اقصد ماعليكم امر ضغطواعلى هل الرابط الي تحت
http://www.youtube.com/watch?v=qV2Sgm30-Co

Tuesday, October 14, 2008

وتمر بي الذكرى

وعدت أنني سأبتعد
لكن الأمر فوق قدرتي
15-10-1998 \15-10-2008
عقد كامل
عمر
أحداث
سعيدة .. محزنة
عشر أعياد ميلاد من غير كرت تهنئة منك الذي لم تنساه حتى اني بعدتك عني الحدود الجغرافية
اول شي اشوفه لما افتح عيني كرت تهنئة منك
لعشر أعياد ميلاد من غي جملة "هدد مو عدد" من غير كلمة الملكة
جرحي ما زال ينزف ما برا
ما انسى كلمة انقالت لي وانا اتلقى العزا
باجر تنسين
أنسى .. أنسى
اكو احد ينسى روحه
اكو احد ينسى الهوا الي يتنسمه
شلون انساه
حياتي بدونك مالها لون
والفرحه فيها ناقصة
رغم وجه المهرج الي استعين فيه من وقت لاخر
لكني مازلت مجروحة
مازال قلبي معاك
أسألكم الدعاء لموتانا و موتى المسلمين جميعا
اللهم : ياحنان يامنان ياواسع الغفران اغفر له وارحمة وعافه واعف عنه واكرم نزله ووسع مدخله وأغسله بالماء والثلج والبرد ونقه من الذنوب والخطايا كما ينقى الثوب الأبيض من الدنسا
اللهم : أبدله دارا خيرا من داره وأهلا خيرا من أهله وزوجا خيرا من زوجه وأدخله الجنة وأعذه من عذاب القبر ومن عذاب النار
اللهم : عامله بما انت اهله ولا تعامله بما هو أهله
اللهم : ان كان محسنا فزد فى حسناته وان كان مسيئا فتجاوز عن سيئاتهاللهم : أدخله الجنة من غير مناقشة حساب ولا سابقة عذاب
اللهم : انزله منزلا مباركا وانت خير المنزلين
اللهم : انزله منازل الصديقين والشهداء والصالحين وحسن أولئك رفيقا
اللهم : أجعل قبره روضة من رياض الجنة ولا تجعله حفرة من حفر النار
اللهم : أفسح له قبره ومد بصره وأفرش قبرة من فراش الجنةاللهم : أعذه من عذاب القبر وجاف الأرض عن جنبيها
للهم : أملأ قبره بالرضا والنور والفسحة والسرور
اللهم : قه السيئات ومن تق السيئات يومئذ فقد رحمتهاللهم : أغفر له افى المهديين واخلفه فى عقبة فى الغابرين واغفرلنا وله يا رب العالمين وأفسح له فى قبره ونور له فيه
اللهم : إن أبي : فى ذمتك وحبل جوارك فقه من فتنة القبر وعذاب النار وانت أهل الوفاء والحق فأغفر له وارحمه إنك أنت الغفور الرحيما
اللهم : ارحمه كما رباني صغيرا
اللهم : لاتحرمنا أجره ولا تضلنا بعده
اللهم : اجعل عن يمينه نورا وعن شماله نورا ومن اامامه نورا ومن فوقه نورا حتى تبعثه آمنا مطمئنا فى نور من نورك
اللهم إنك قلت و قولك الحق " إدعوني استجب لكم" و إنك لاتختلف الميعاد و قد دعوناك كما أمرتنا فأستجب لنا كما وعدتنا فهذا الدعاء و منك الإجابة و هذا الجهد و عليك التكلان و لاحول و لاقوة إلا بالله العلي العظيم و صلى الله على نبينا محمد إمام المتقين و شمس الأنبياء و المرسلين و حامل لواء الحمد يوم الدين أول شافع و مشفع يوم لا ينفع مال و لا بنون إلا من أتى الله بقلب سليم و على أصحابه الغر الميامين و من تبعهم بإحسان إلى يوم الدين و الحمد الله رب العالمين

Monday, September 29, 2008

عيدكم مبارك


ماشاء الله مر الشهر بسرعة

عسى ربي يتقبل منا ومنكم صالح الأعمال


أهنيكم بالعيد مقدما


عساكم من العايدين الفايزين ان شاء الله

هالله هالله بالعيادي :)


و هم أودعكم


هذا اخر بوست لي


أتمنى اني بهل الفترة ما أكون زعلت أحد

وتذكروني بكل خير مثل ما انا ماراح انساكم


بحفظ الله ورعايته


أختكم دندش

Monday, September 15, 2008

حدث في مثل هذا اليوم


قرقيعان و قرقيعان








بيت اقصير و رميضان








عادت عليكم صيام كل سنة و كل عام
















مع هذي الاغاني الشعبية " لا تسمعني الناظرة تطلع لكم من الشاشة و تقول انااااااااااااااشيد مو أغاني" المهم كانت حفلتنا بالروضة








ومع الوناسة بقاعة النشاط ردينا الصف و وناسة و اليهال و التصوير و توزيع القرقيعان و عيالي الي كنت ادرسهم العام يدخلون صفي و مستانسين ما يبون يروحون صفهم :)
















و بهل الوناسة صار شي كدرني
















كاميرتي من 3 سنين تستعيرها الروضة نصور فيها الفعاليات طبعا من 3 سنين و للحين ما شروا كاميرا كل سنة السنة الي وراها و اهي ماااشية








المهم عطتني رفيجتي الكاميرا و انا حطيتها على الطاولة الي يم السبورة و خشيتها عشان اليهال لا يلعبون فيها ولا يطيحونها








و خلصنا كل من خذا القرقيعان و يت الانسانة الي كدرتني و صورت اليهال
















و عيالي كل من خذا قرقيعانه و راح بيته
















و فجأة ترد المصورة
















خلالاص يا أبلة ما فيش تصوير








وانا بحوسة الصف و انظف و الفراشة معاي








اي خلصنا يعطيج العافية تفضلي الادارة اتفقي معاهم








طيب و مع لوية بوز
















عطيت فراشتي المقسوم من القرقيعان و رتب و طلعت ارتاح اشوي
بتقولون ليش ما عطيتها قرقيعان الادارة مجهزة للمصورة و الشخصيات جيس كامل لكل وحدة منهم















فقدت كاميرتي
















و لا زبيدة يايتني تركض
















ماما هزا مصور مو زين سوي جنجال انا اشان قرقيعان هزا يبي بوق يبي ياخز باتري مال انتي
















انا شكو
أي باتري؟

زبيدة:هزا مال كاميرا يبي ياخز انا ياخز منها ابلة شوفي

















زبيدة ما شفتي كاميرتي بالصف
















اكو ماما طاولة







رحت الصف ايب الكاميرا مو موجودة بمكانها ؟؟








قلت اكيد زبيدة حطتها داخل الكبت








رحت طليت مافي شي








انادي زبيدة وين الكاميرا








ماما هني طاولة








ماكو شي








طلعت الاخت المصورة الفاضلة باقتها بهل الشهر الفضيل








راح تقولون ليش ما شكيت بفراشتي اقول لكم








زبيدة أمينة لدرجة ما تتصورونها جم مرة انسى و ساعات اتناسى فلوسي بالصف تركض تدورني تعطيني اياهم أو تقول لي اذا في احد دخل صفي و خذا شي و انا ما ادري يا ويلهم توقف فوق روسهم لين يخلصون شغلهم و ترده الصف مكانه








عشان جذي انا واثقة فيها















المهم رحت للإدارة و بلغتهم طبعا وكيلتنا كالعادة ما تصدق الكلام لا تأكدي








قلت لها انا ماني يايه اتبلى عليها و ما قلت لج الا لما تأكدت و اهي كانت اخر وحدة بالصف








دقت على مكتب التصوير ما بردت جبدي خذيت الرقم منها ورحت للناظرة قلت لها السالفة كيت و كيت








دقينا مرة ثانية على المكتب و عطونا رقم المصورة و كلمناها








تجذبني و تقول انها ما خذت شي








"انا دخلت بيوت كتير و شفت كتير"








ياالطيبة خذيتي القرقيعان عليج بالعافية بس تمدين ايديج على اغراض غيرج ليش








قلبت راسي و راس الناظرة








مرة الفراشة








مرة الشخصيات الي يايبينهم الروضة








"الشخصيات يدخلون معاها و يطلعون معاها و وقت الي دخلت صفي رفيجتي للحين ما يابت لي الكاميرا"








مرة ولية أمر ماخذتها








مرة مدرسة















اخر شي لما هددناها بالشرطة








لالا ما تشتكوش عليا








ما تبلغوش الشرطة








سبيوني اشوف التاكسي و القيرقيان








والله ما مرت دقيقة الا دقت








لقيت الكاميرا








قلت لها الحين تردينها








ونطرت








ويابتها و ركض عطتها للحارس و تبي تنحاش وقفتها اتاكد من المموري كارد و من الصور ما انمسحت








وحاطة الكاميرا بهل الجيس الي تقول انه من القرقيعان الي خذته من صفي بتقولون ماخذه من صف ثاني








للأسف لأ خذت القرقيعان من صفي بس لانه صفي اقرب شي للادارة و لما دخلت صفي ايدها كانت فاضية وطلعت بقرقيعان المسكينة زبيدة وشافتها وحدة من الاداريات و كانت تبيها تصور بنتها و المصورة مارضت و بسرعة تبي تطلع من الروضة




الكاميرا و جيس الجريمة

أنا بفهم ليش سوت جذي

عاملتها بكل احترام و أدب

ليش تمد ايدها

وتنكر من الأول و تقول عمري ما اخذ شي حتى لو بالغلط

ليش!!

عاد اليوم صج صج احتريت من بداية الدوام لي الحين صراحة

مو بس سالفة الكاميرا من دخلت الروضة وصارت اشياء تنرفز

ساعات احس انه غلط اتعامل معاهم بالطيب

مايمشي معاهم الا العين الحمرا و اروح اشتكي بالمنطقة التعليمية

لأن هل الشي صار امر واقع و شفته بعيني

مجموعة من المدرسات ما يعطون الادراة ويه و يتعاملون معاهم بأسلوب وقح

صارو هم الزينين و شحلاتهم و يا زينهم

@@@@

و الصراحة هذي حال الدنيا

بس ما اقدر اسوي نفسهم لأنه مو هذي تربيتي ولا شخصيتي

فيني عيب شرعي ماني عارفة اتخلص منه

مشكلتي اني اكتم اكتم و اضغط على عمري و تالي انفجر

والانفجار نتايجه بايخة اكرها و اكره نفسي عقبها

ودي اغير هل الطبع

بس شكلي ماراح اغير هل الطبع

بحفظ الله و رعايته



























Sunday, August 31, 2008

مبارك عليكم الشهر



باجر ان شاء الله أول أيام الشهر الفضيل
مبارك عليكم الشهر
و عساكم من صوامه و قوامه
و يقدرنا الله سبحانه على عبادته
اتمنى منكم اننا ندخل هل الشهر و قلوبنا صافيه
ونخلي طول السنة رمضان مو بس شهر واحد
و أستأذنكم بعد ماراح اكون متواجدة مثل قبل
باجر ان شاء الله بيبدي دوامي
سامحوني على القصور
و أعتذر اذا غلطت بحق أحد
بحفظ الله و رعايته

Saturday, August 30, 2008

قريش



القريش
عادة كويتية جميلة
وقررنا انا و اختي الغالية نسوي قريش مبجر بس انا و اهي
ورحنا يوم الخميس و تريقنا ريوق مفتخر
اهي منها قريش و منها تنفه عن روحها
بعد عمري كسرت ريلها و حيل متضايقة من الجبس
ماتشوفين شر ياالغااالية
احبج و امووووت فيييييج
و أول مرة اروح السوق من غيرها
وبصراحة السوووق يضيييق الخلق من غيييرج
عساني ما انحرم منج :**
و الحين اتركم مع الصور
سلالالامات يا الغااالي سلالالامااات

يم يم صااج حلووم

ريوقنا المفتخر :)

وطبعا ما يحلى الريوق الا مع القهوة بلالاك




Wednesday, August 27, 2008

my drafts sms


رسائل لن ترسل
1
تدري شنو أكثر شي ولهت عليه؟
صوتك
عيونك
ضحكتك
أصابع إيدك تكتب أفكارك براحة ايدي
بإختصار كل شي
ولهت عليك يبا
كبر السما و البحر كبر الكون كله
الله يرحمك
2
I hate the way you talk to me and the way you cut your hair i hate the way you drive my car i hate it when you stare i hate your big dumb combat boots and the way you read my mind i hate you so much it makes me sick it even makes me ryme i hate the way your always right i hate it when you lie i hate it when you make me laugh even worse when you make me cry i hate it when your not around and the fact that you didn't call but mostly i hate the way i don't hate younot even closenot even a bitnot even at all *
3
زرتني في احلامي
وصار لك سنين غايب عني
ولهتي علي؟ عيونك تسألني
ولميتك أعبر لك عن شوقي و حبي لك
و شفت في عيونك فرح يملأ الكون كله
تدري شصار فيني كل هل السنين
18 سنة
تدري اني كبرت
و تدري انه في كل يوم ادعيلك
تدري اني فرحت لما شفتك و ظليت طوول اليوم و انا فرحانة بشوفتك
الحين تطمنت أكثر
الحين فرحت أكثر
أحبك يا خوي
أنت ان شاء الله شهيد
أنت بإذن الله شهيد
message saved in drafts
*from the moive ten things i hate about you