من غير عنوان

ادري اني طولت من اخر بوست لي و كان في بالي اكثر من شغلة ودي اكتب عنهابس تعرفون الشعور لما مخكم يصير ابيـــــــــض ابي اكتب عقلي احسه ينفجر من الأفكار الي تحوس مني ومناك بس لما اشوف الكي بورد احس الاحرف ضاعت .... عرفتو هل الشعور
نفس الاحساس الي انا مسيطر على بهل الفترة اني فقدت السيطرة على اشياء كثيرة مخي توقف عن العمل لاشعار آخر صرت لا مبالية بصورة مو طبيعية اي شي عندي احسه من غير قيمة اظهر عكس ما ابطن و هذا مو معناته اني بوجهين لا اقصد اني في داخلي شعور ثاني لكن ما ابينها.. بإختصار تعبت ..
الدموع او اني ابجي شي نسيته من زمان .. بتقولون قاسية ادري مو اول مرة تنقالي هل الكلمة يعني ما ابجي الا اذا الموقف احس فيه اني ضعيفة خلاص فقدت وسائل الدفاع و استرجاع الي ضاع
احيانا احس اني ابي ابجي و احيانا اكون في موقف الطبيعي اني ابجي الاقي نفسي مثل اي قطعة اثاث بالرغم انه في داخلي حزينه
من فترة صار شي لأنسانة عزيزة حيل علي و انا ادري انه من داخلها تعبانة و متاثرة بس ما تبين و ما تشاركني فهل الشي فرديت عليها تصرفها بجمود مو طبيعي مني لدرجة اني استنكرت نفسي بررت لنفس هل التصرف اني قاعده اساعدها انه كل شي عادي و حياة بمبي وووو
بس شغلة صغيرة صارت الاسبوع الي فات كنت في احد المستشفيات و في منظر شفته فجرني و عصر قلبي من الداخل وداني لبعيدو ذكرني بأبوي الله يرحمه رديت البيت وعادي لكن اشلون و ليش ما ادري بجيت و و بررت بجوتي بمشهد في برنامج رغم اني ما ااتأثر بهل الاشياء وبسرعة قسيت عمري كاني ارفض هل الشي
اشياء وايد فقدتها في مرحلة عمرية مبكرة و في ظرف معين انا مو قاعده اعلل و لا ارد سبب كل مشاكلي لهل الشي بس الي صار كان كبير اكبر من اني اتخيله يمكن لاني ما كنت افكر فيه من وفاة المرحوم الله يرحمه احس اني كل مالي و انا اتغيراحس اني اصير اكثر قسوة و انا ادري انه ردود افعالي العصبية احيانا ما تتناسب مع الموقف

فاهمين شي من كلامي؟ ما ادري ليش كتبت هل هذا كله بس الي فتح هل الشي فيني اني ابي اساعدها باي
طريقة ما ابيها تاذي عمرها مثلي و تقسي قلبها و روحها و اهي احلى ما فيها قلبها الطيب
انا ادري انج راح تقرين كلامي و ما ابيج تزعلين مني بس لاني اخاف عليج و من لي غيرج بهل الدنيا

اهداء
http://song.6arab.com/Sheren-Ft-Hany-Shaker_Ana-2alby-Leek.ram