Saturday, June 21, 2008

كل عام و أنت بخير


كل عام و أنت بخير
كل سنة بقولها و كل عيد بكررها
يا أغلى إنسان
من فتحت عيني على هل الدنيا ومن أول ما لميتني لقلبك و سمعت نبضك ..حبيتك
يالي من عيوني تفهمني ما تدري بغلاك تمنيت عمري كله فداك
قلت لك أحبك عدد سنين عمري من أول ما تعلمت أنطق
قلت لك أحبك كل يوم مر و انا وياك
و بظل أقولها و أرددها لأخر يوم في عمري
أحبك و بظل طول عمري أحبك و ما ينافسك أحد
لأنه ما مثلك أحد و لابيكون أحد يشبهك
عطرك بإنفاسي مازال
صورتك بعيني
نبضك.. مازلت أسمعه بقلبي
ما مات
صوتك.. بخيالي أسمعه
يا بدري أنا
يا عمري يا يوبه
كل عام و أنت أفضل و أجمل أب في الدنيا
ولهت عليك
دندش للحين تحبك مابتنساك
كبرت و حبك بقلبها كبر ..أكبرمن البحر الي تحبه وياك
أكبرمن السما ومن هل الكون كله
عسى مثواك الجنة آمين يا رب العالمين
اليوم يوم الأباء ,, لاتنسون بوسه على الراس و لا ورده و حتى كلمة الله يخليك لنا ولا يحرمنا منك مثل ما أحتفلتوا بإمهاتكم ترى أبوكم هم يتساهل
عسى الله يخليكم أبوكم و يطول بعمره ان شاء الله