أمس كان يوم تاريخي
أمس بدأ اليوم بمتابعة تلفزيونية
و ايدي على قلبي
ادعي ربي
ان الله يوفقك الصالح
كنا مخططين انا و اختي و أمي نروح الصبح نصوت
لكن الشمس كانت أقوى منا =)
و قررنا على الساعة 6 نروح
شعور كان ولا أروع و كنت متوقعة
نقعد بالمدرسة لين الاقتراع
لكن كانت سهالات
التصويت خذا تقريبا 15 دقيقة
و انا اصوت ضحكتي من الاذون اليمين لين اليس
و لما طلعت رغم الجو الحار حسيت انه الجو بارد
حسيت ما ادري شقول لكم
دزيت مسج لاخوي
" أنا سعيدة انا صوت"
رد علي
" مبروووك أنتي الحين مواطنة كاملة"
و لما طلعنا رحنا في جولة على الدوائر الي يمنا و بدينها بالاهم
الدائرة 11 و نسأل اهناك طمنونا على السعدون
و مستانسين على همة البنات ( الله يعطيكم العافية ما قصرتوا
و رحنا كيفان الدائرة السابعة
و الشامية
و ردينا لقواعدنا الدائرة السادسة
لما بدا الفرز قعدت بالصالة و بحضني اللاب توب و متوترة
و ادعي يااا ربي العبدالجادر
و على الساعة 12 بشروني اخوانا العنجري الأول العبدالجادر الثاني
و انه كيفان حسمت للصرعاوي و الطبطبائي
طرنا من الفرحة
لبسنا عبينا بسرعة
و طيران على مقر العبدالجادر
و ادق على اخوي انت وينك
احنا عندكم
بشرني جم الفرق بينه و بين دعيج
اشلون للحين مو عارفين
خلاص ان شاء الله بنمر العنجري و الضاحية و انرد
و احنا طالعين من الفيحا مقر الخنة و الشمري هدوء قلنا لا خلاص حسمت
و طارين من الفرحه مو مصدقين
لما ردينا تقريبا وحدة الا ربع
فتحت النت مرة ثانية اشوف النتيجة لان التلفزيون للحين ما اعلنها
الصدمة الاولى server to busy
الصدمة الثانية
ترى شاكين بالنتايج
@@
الصدمة الثالثة
جراغي من مقر دعيج قبل لا يعلنون النتيجة
ردة الفعل
قمت من الصالة
اختي وين
بروح غرفتي
رحت و طلعت عدة المنيكير
و طلعت لي مجلة من المجلات الي صار لي اسبوع شاريتهم و للحين ما قريتهم
و فاتحة تلفزيون على القناة الاولى و اغني !!
شفت الرقم حرااااااااااااااااااااااام و الله حراااااااااااااااااااااااااااام
حطيت راسي و نمت
قمت الساعة 9
ابطل التلفزيون اشوف نتايج باجي الدوائر
الدائرة 10 الاول صالح الفضالة
و انا نص مغمضة الحمد الله الراشد الثاني
منهو اي العمر هااااااااااااااااااااااااااا
طلعت و رحت الصالة
لقيت اختي الي الوحيدة الي قاعدة مبجر
صبحت عليها
شلونج اليوم و من هل الحجي
شفتي الفرق " اختي"
لأ " انا"
ترى الفيحا الي مطلعة الشمري
انا" سكوت"
صج باسل الراشد خسر" انا"
اختي" شنو متوقعة دندش يعني منتي عارفة الجابرية اهي الي مطلعة العمر"
بس.. حرام "انا"
هذا جزء بسيط من قرقتي اليوم مع اختي
لكن ارجع و اقول
الف الحمد الله نتايج ممتازة
و ردة فعل قوية من الشعب
هذا درس لمن يعتبر
و فعلا كانت هزة قوية للحكومة
و هم انا فرحانة رغم انه ودي بفوز العبدالجادر عشان فرحتي تكمل بفوز العنجري
لكني فرحانة لاني صوت بضميري و حطيت مصلحة الكويت فوق كل شي
و البركة فيكم
5 comments:
فعلاً انتهى يوم كامل من شد الاعصاب..
والحمد لله بالنسبة لي النتايج معقولة وان شاء الله هالتشكيلة يكون فيها الخير وترضي طموحنا وتقدر تكون صوت الشعب الحر..
الله يعطيج العافية دندوش.
والله انا اللي عندكم ماكنت فاهمته
زين يوم تم الشرح مسبقا لوول
اهم شي انه هالشي يعود بفايدة للكويت كدولة وللكويت كشعب
الله يوفقكم يارب
هذى الانتخابات وجوها
اهم شى ان ضميرج مرتاح
مبروك للكويت بكم
You have an outstanding good and well structured site. I enjoyed browsing through it
Kevin kilner penis Yibin jinchuan electronic appliance co. ltd erotic stories Cheap relion blood pressure monitor Option trading currency exchange rate forex trade forex
Post a Comment