السلام عليكم
اشلونكم شخباركم شمسوين من زمان عنكم
من عنوان البلوج اهلي و ارحب بفصل الصيف العزيز الغالي
ايباااا ياا سلالالالام اشحالت جونا العزيز الي دايما يتصادف معاه اهم المناسبات سواء العزيزة من افراح او احداث سياسية ساخنة مثل الي احنا قاعدين نعيشها حاليا...
الحمد الله حالنا افضل من غيرنا ..
بس شي حلو انه الجو يذكرك دائما و ابدا انه موجود يعني طالعة من الدوام رادة البيت و تعطيك الشمس جذي لاهوب على الماشي
و مصارعة مع الباب لانه ابي افتح الباب من غير ما المسه تجنبا لانه ماشاء الله تلاقي الباب يشوي الايد شواي
و من ادخل السيارة ودي انااااقز و اطمر من الحرارة حشى قاعده بجدر مو سيارة ( لاتسألوني ليش صافطة بالشمس لانه ادارتنا العزيزة ما تبي تحط مظلات لانه الصندوق المالي ما يسمح بمثل هذي الفواتير و اذا تبون كل وحده تحط 30 ولا 40 دينار للمظلات و طبعا بقية الزميلات العزيزات لا وي حريمتهم غصبا عليهم يحطون لنا و انا بقلبي اقول لهم انطرر يااا (..) لين ايك الربيع)
ماعلينا..
البس الدسوس( قفازات) و انا اسوق و هم ماكو فايدة =(
اشغل التكيف على حدده و وييين الحره ما يبرد الا لين اوصل البيت
في هذي الحالة مالكم الا تشربووون الماي بكثرة لانه في فصل الصيف نفقد السوائل بكثرة
و سلطة الفواكه الباردة
ولا رقييه باااردة تبرد على قلوبكم
ولا تنسون تسون لوحة فنيه مثل الصورة الي حاطتها بأول البلوج
و كل صيف و انتو طيبين
6 comments:
اى والله لاهوب هالايام مير الله يكون بالعون ... انا بدوامى فى مظلات بس الله وكيلج من ينفتح الباب اطلع من البراد اسيح على ما اوصل سيارتى واهى خطوتيتن وعلى قولتج لاهوب .. بس والله الحمدلله احنا احسن من غيرنا والله لا يغير علينا عندنا تكييف وماى بارد وبررررررررررررررد ... الصوره حلوه وايد:)
هلا وغلا ب نيدية
ها بشري اشلون الحفيز ;)
زيين الحمد الله على الاقل عندكم مظلات و تكيف بارد الله لا يغير عليكم مو مثلنا خلف الله علينا
شكرا على الزيارة العزيزة
أقوول ترى ماكو فكه هالسنة الحر بكل العالم يعنى خلكم خووش اوادم وقعدا ببيوتكم وشغلوا التكيف واقصتدوا بالماى
:)
وطيحله برد بترا وبس :))
السلام عليكم .....
مدونة لطيفة وعفوية ...استمتعت بمروري
تحياتي
مشاري
اهو حر و بس لا اله الا الله بعد شرفنا الضيف الغالي ( الرطوبة ) على قولة وحدة من زميلاتي ( العزيزات) يا حبيبتي الرطوبة زينة للبوشرة !!!!
قلت لها و انااا شكو بالبشرة الحين ما نقدر نتنسم
الحمد الله على كل حال
و اشمعنه برد بترا ؟
بوصالح
و عليكم السلام نور البلوج و حياك الله تشرفت بزيارتك
من زمـــــــــان ....
والله زمان
كيييفيك دونا وحشتيني وحشني يور بلوق
ويييه الحرارة حدث ولا حرج الله يبردنا بس في الدنيا وفي الاخرة
انا لسه بجو الاختبارات ..جالسة ..مذاكرة وهم وسهر وارهاق وطفش
واسئلة صعبة :(
الله يعيين وننجح ياااارب
باي دوووونا :****
Post a Comment