صباح الخير
الساعة الحين 12 الصبح
صار لي فترة بكتب بوست لكن ليش و الشغل وراي وراي
فهذا البوست راح يكون عبارة عن كلمات متقاطعة عاد لقطو مني مناك و شكلو جملة مفيدة
طبعا اليوم بداية اليوك اند فغصب قاعدة لي
هل الحزة في الأوقات العادية او
school night
لو ابي اسهر ما اقدر العيون تصير شاينيز و المخ تصفر بطاريته و اصير جني سمجه اول
ما تطلع من الماي
امم الوضع في دوامي لحد الحين الأمن مستتب ظاهريا و مجموعة الحيزبونات
شغالين بالنفاق و الحجي المالق مثلهم
ابو الهول الي كانت معاي بالصف انتقلت طبعا ليش ابو الهول عشتو زعلانة ليش طلعوها
من صفها و صارت بصف ثاني و ما تكلمني و لا ساعدتني و بلا شي فحيل حيل كانت
اعصابي متوترة وطبعا بدعت بالإستئذانات و الغياب و من يشوفوني المدرسات اي مسكينة
نفسيتها تعبانة ؟؟؟
هييي هوووب و نفسيتي انا يعني تخيلوا الصورة معاي صف اقرع ما فيه عود افرش الزل
اشترى اغراض الدنيا و اترسه و استمرض و اداوم و انا ميته من التعب و حالتي حالة و
اهي لا حرام نفسيتها
الله يشهد اني ساكتة ما تكلمت عن الي تسويه لين ما المشرفات سألوني
و اصروا بعد
ملاحظتهم للوضع
و الحمد الله الله ما ضيع تعبي في مدرسات ينحطون على الجرح يبرى اشتغلت معاهم السنة
الي فاتت فعارفيني و عرفوا شخصيتي فماكانو يصدقون ولا يرضون و كنت افضض لهم
الحين يت مدرسة ثانية و من اول دقيقة مابي هل الصف انا متعوده ادرس ثانية
المهم انهم
سكتوها و انا رحبت فيها و قلت لها الصف كله بأمرج هذا الحين صفي مثل ما هو صفج
اي
شي تبينه قولي لي اساعدج
الاخت بيني اعطيها الدرس كامل !!!
اول مرة قلت ميخالف صار لها اكثر من سنة و يمكن نست تبي احد يدزها
ساعدتها اول مرة
لا الحين كل مرة عطيني منبه عطيني فكرة
و يوم حضرت لي الموجهة لازم اهي تكون قاعده مع الأطفال عشان تضبطهم لي اكثرو ما
يتشيطنون و الله انيما تحركت حتى
تخيلوا شنو سوت
راحت لمشرفتي "مثل المدرسة الأولى"
انتي ليش لما تدخلين الصف تسلمين على دندش و تقولين لها شلونج شخبارج و انا لا......؟؟؟؟؟؟؟
انتي ليش ما تعطيني شغل مثلها ؟؟؟؟
انتي انتي انتي
دندش دندش دنشدش دندش دندش دندش دندش ددندش
قالت لي المشرفة... انا انصدمت طبعا المشرفة وضحت لها انه كلنا سواسية و من هل الحجي
انا الي حارني انه ليش انا شسويت لج ....
فالحين حيل كاشة منها و الله يعين و تعدي هل السنة على خير
\\\\\
احيانا يأكثر الشغل و احس انه لازم احط لي خطة امشي عليها عشان انظم وقتي بهبل الفترة
بصورة ارتب
"""""""""""""""""""""""""""""""""""""""""""""""""""""""""""""
قرب وقت اجتماع الأمهات و الله يعنين قلبي عى حنة الأبلات.... وويع
+++++++++++++++++++++++++++++++++++++++++++++
ابي اروح السوق اشتري اكسسوارات لغرفتي بس عيزانة
عطوني مقترحاتكم لأفضل المحلات للسجاد القطع مابي ايكيا
شكرا لحسن انصاتكم
ياحُب عيني
2 months ago
14 comments:
الله يكون بالعون يالابله
وشوفى حطى ببالك انج تشتغلين وتبين الاجر وربى ما يضيع تعبج ... يعنى كافى الكل فهم شنو صار بدون ما تحشين كافى نفسيتج وتعبك..
هدى ورتبى افكارج وربى بيوفقك
.
هذي احوال التعليم عندنا
عيل الله يعين اجيالنا القادمه
اذا المدرسات يشوفون تفاهات من زملائهم المدرسات
انا عندي اقتراح تشاركين بسحب الجوهره او بنك الخليج وتنطرين
اذا ربحتب الجائزه تسوين مدرسه خاصه
وتختارين المدرسات بدون لاتحترين ولاتبتلشين بموجهات والا درسات مينّن
واذا ضبطت الامور قوليلي عشان انقل عيالي عندك بس ببلاش
اوكاي
انا مافهمت الا بعد ما دققت في كلامج لان صج كلمات متقاطعه
بس الله يعينج على سوالف البنات
انتي بس شدي حيلج ومالج شغل باحد
الله يوفقج ان شاء الله
الله يعينكم يا الابلات على كل هل تعب
احس حتى معاش ماتتهنون فيه كله طاير
بالتوفيق :)
ههههههههههههههههههه
ايكيا
مدونتك جميله
حبيبتي والله انتي بعد جبدي
كلشي بأجره يابعد روحي انتي
وبعدين مع ان ماصار لي وايد بالوظيفة بس كل يوم اتعلم شي يديد .. مجتمع الشغل غييييييييييييييير عن الجامعة وغير عن اهلج وغير عن رفيجاتج
مجتمع فظيع !؟ تلقين فيه كل الاصناف
واكتشفت بعد شي ان لج شغل من نفسج وبس مااااااالج شغل بأي كائن بشري .. اللهم يمكن اليهال انتي ملزومة فيهم فقط لاغير
أما سالفة انج تساعدين او تعرضين خدماتج ..! نووو وييي .. اتدشين السلام عليكم وتقعدين بمكتبج وخلاص
وهالفصيلة اكو منها وايد لوووول الحمدلله والشكر
---
شوفي بالنسبة لمخج تحسين ان مزحوم ترى آنه حالياً نفس حالتج لدرجة اني أجلت الخطة مالت السنه الياية اسبوعين الى ثلاث اسابيع
الحين همي بشيين
1. شغلي
2. داري
بالنسبة لج شوفي شتحتاجين بالضبط حق شغلج وحطيه جدامج ومن وين راح تشترينه وجم قيمته هالطريقة تفيدج وتعرفين وين صرفتي فليساتج
والوقت المطلوب نفرض اسبووووع يعني الاسبوع الياي كله حق صفج ... بعد اسبوع خلاص راح تخلصين شغل دارج
ونفس الطريقة دارج شتحتاجين ومن وين بتاخذينه
---
مابي اقولج ايكيا بس توني شاريه قطعة زل شوقتني من ايكيا ;p
alaah y3eeenich walah entaw el teachers 3athaaab
لوول
خوش موضوع
كل عام و أنتم بخير
و تقبل الله منا و منكم
:)
الله يعيــــــــــــــن
:)
كل عام وانت بخير
والله يعطييج على قد نيتج وما عليج من احد
الله يوفقج دير
:)
بس لا تذكريني بالمدرسه يا معوده
صباح الخير
هذي ضريبة كل مدرس ومدرسه يدفعونها
لأن التعليم يبيله قلب كبير وصدر بوسع السما
تسلمين عزيزتى فضفضه حلوة
وبس
بابل
وواي الله يعينج على هالمجتمع
أنا أعااني
صرت أكره مجتمع النساااء :(
Post a Comment