كان يوم عادي مثل اي يوم في عطلة الصيف
كان عمري 8 سنين
كان يوم خميس
بدا مثل اي يوم عادي بس الجو في البيت ماكان عادي
اختي تبجي و بحرقة
ابوي يدخن 
باسل يلهيني بالجريدة و يطلع و ليته .. استغفر الله العظيم
هذي كانت اخر مرة اشوف فيها باسل حسبي الله و نعم الوكيل
الله يرحمك و يرحم شهدائنا الأبرار
كانت أيام حيل صعبة .. كنا نتعاون في كل شي حتى في شغل البيت اتذكر لما كنا نغسل حوش البيت كنا كلنا مع بعض حتى ابوي و نونس بعض
اتذكر لما يتفق ابوي الله يرحمه مع الجيران و كل يومين او ثلاثة يتجمعون و يركب الجمس و كل واحد يشتري الأغراض لبيته
اتذكر التنكر الحمر كان عندنا تنكر ابوي الله يرحمه يروح ويعبيه ماي و يستفيدون منه كل الفريج
اتذكر الجنود و اهم في جمعيتنا
اتذكر الشباب الي اشتغلو في الجمعية
اتذكر لما ترسنا السطح دجاج و ديك رومي
اتذكر فترة التفتيش شلون كلنا ندور البيت اكثر من مرة نشيك اذا في علم ولا كتاب و لا منشور
و نغير محطة الراديو و التلفزيون للعراق
اتذكر الحديقة الي دفنا فيها السلاح
اتذكر و اتذكر
سبع اشهر كانهم سبعمية سنة
بس يا ترى عيالنا بيتذكرون ؟
5 comments:
المشكلة إن الناس الحين ماتبي تذكر الغزو، تبين عيالهم يتذكرون
مساج الله بالخير اخيتي دندش
باسل موجود بينا يا اخيتي ..و جعلة من طيور الجنة
ايام الغزو على مرارتها ...كانت جميلة ...بينت معدن الانسان الكويتي الاصيلة
فهد
لازم يتذكرون لانه لو تناسو... فعلى الدنيا السلام
عثماني
آمين يا رب العالمين ..جزاك الله خير
من مصلحتهم مايذكرونا بالغزو
ومن الواجب تذكير عيالنا بالغزو
لاننا وللاسف الى الان لم نستخلص العبر من ماحدث
Hey are using Wordpress for your blog platform?
I'm new to the blog world but I'm trying to get started and create
my own. Do you require any html coding expertise
to make your own blog? Any help would be really appreciated!
Also visit my web-site - レイバン
Post a Comment